Të kesh një sistem të fortë imunitar do të thotë të përballosh më mirë çdo rrezik të jashtëm që i kanoset trupit tonë dhe një nga gjërat më të rëndësishme në këtë periudhë pandemie të Covid-19 është përkujdesi maksimal ndaj sistemit tonë imunitar.
Për një trup më të shëndetshëm dhe imun duhet të ndjekim një mënyrë jetesë të shëndetshme, megjithëse kufizimet e vendosura nga rregulloret anti-koronavirus dhe nevoja për të ruajtur distancën shoqërore mund ta bëjnë këtë detyrë pak më të komplikuar.
Në çdo rast është e mundur, me një farë kujdesi, të kujdeseni për sistemin tuaj imunitar dhe ta mbani atë në efikasitet të plotë duke i dhënë një vëmendje shtesë. Armët në dispozicion janë ushqimi i duhur, lufta kundër stresit dhe pushimi i duhur.
Disa këshilla shumë të nevojshme dhe të domosdshme për të na drejtuar në mesin e mekanizmave me të cilët trupi ynë na mbron nga sëmundjet na vijnë nga Dr.Emanuele De Nobili,ekspert në Mjekësinë Kundër Plakjes, i specializuar në Dietikë dhe Ushqyerje dhe Drejtor Shëndetësor i Qendrës Mjekësore të Jetëgjatësisë së Villa Eden – Qendra Shëndetësore e Merano.
Së pari, për të funksionuar në mënyrën më të mirë, sistemi ynë imunitar duhet të jetë i ekuilibruar mirë; funksionimi i tepërt i tij na ekspozon ndaj sëmundjeve autoimune, në të cilat në praktikë trupi sulmon veten dhe ndaj alergjive; nëse mbrojtjet tona nuk janë mjaft aktive, megjithatë, ne mund ta gjejmë veten të ekspozuar ndaj agresionit të patogjenëve të jashtëm, duke filluar me viruse dhe baktereve, dhe ndaj rreziqeve që vijnë nga dështimi për të shkatërruar qelizat anormale dhe indet e dëmtuara nga të cilat mund të zhvillohen tumoret.
Funksioni imunitar varet nga organe të caktuara duke përfshirë palcën e kockave, timusin, shpretkën, bajamet dhe indet limfatike, në veçanti ato të pranishme në zorrë. Shëndeti i zorrëve është i lidhur ngushtë me funksionimin e duhur të sistemit imunitar dhe për këtë arsye meriton vëmendje të veçantë.
Së dyti, marrja e vitaminave luan një rol themelor për një trup të shëndetshëm dhe në formë.Që sistemi jonë të funksionojë në mënyrën më të mirë të mundshme , në disa raste, është e dobishme të rrisni sasitë e marra përmes ushqimit me shtesa të përshtatshme, të vendosura nga mjeku ose dietologu.
Vitamina A, e gjendur tek spinaqi, karota, specat e kuq , në veçanti, është e dobishme për integritetin e mukozave, të cilat përbëjnë vijën e parë të mbrojtjes kundër agresionit të patogjenit.
Vitamina C, e përmbajtur në kivi dhe fruta agrumesh, është e pranishme në qelizat e bardha të gjakut dhe përdoret nga trupi si mbrojtje në rast të infeksioneve.
Vitamina D, ose ndryshe vitamina e diellit, përveç mbajtjes së shëndetshme të kockave dhe dhëmbëve, ka një efekt të rëndësishëm dhe të njohur në sistemin imunitar.
Vitamina E e cila gjendet tek bajamet,arrat e drithërat ka efekte të rëndësishme antioksiduese dhe rrit prodhimin e antitrupave dhe limfociteve.
Të fundit, por jo për nga rëndësia janë reduktimi i stresit,aktivitet ditore dhe gjumi i mirë.