Një aktivist i protestës deklaroi në ditën e 61-të të tubimit se presioni ndaj kryeministrit Edi Rama po rritet dhe se protestat do të vazhdojnë deri në dorëheqjen e tij. Sipas tij, fakti që Rama ka pranuar se ka menduar për dorëheqjen tregon se qeveria tashmë e ndien presionin e protestuesve.
Aktivisti kundërshtoi gjithashtu pretendimet e kryeministrit për mbështetjen e qytetarëve, duke e akuzuar se nuk ka përmbushur detyrimet ndaj tyre. Ai kritikoi edhe idenë për hapjen e një konsullate shqiptare në Bujanoc, duke e cilësuar atë si “pazar politik”, si dhe rikujtoi rolin e ministrit të Jashtëm Ferit Hoxha në marrëveshjen e vitit 2009 për kufirin detar me Greqinë.
”Dua të prek deklaratat e ministrit të Jashtëm se në emër të reciprocitetit është e domosdoshme një konsullatë në Bujanovc, por ky nuk është reciprocitet, por Pazar, sepse nëse në Bujanoc ka shqiptarë, në Shkodër nuk ka serbë. Në RSH janë vetëm 584 qytetarë serbë. Ne e kemi ambasadën dhe respektojmë pakicat etnike, por kjo nuk i shërben reciprocitetit, por nacionalizmit. Kjo është narrativë që mbështetet te realiteti, nuk duhet të dalim me narrative ultranacionaliste sepse s’jemi kundër asnjë populli, por kundër kryeministrit. Jemi edhe për të drejtat e shqiptarëve jashtë territorit të 1913”.
