Kreu i grupit parlamentar të Partisë Demokratike, Gazment Bardhi, mori pjesë në pritjen e organizuar nga Ambasada Gjermane në Tiranë me rastin e Ditës së Bashkimit të Gjermanisë. Në një mesazh me rastin e kësaj dite, Bardhi uroi popullin gjerman dhe vlerësoi rëndësinë historike të bashkimit të Gjermanisë, duke e cilësuar atë si një dëshmi të fuqisë së lirisë, unitetit dhe besimit te një e ardhme më e mirë.
Postimi i plotë
Në Festën e organizuar nga Ambasada Gjermane në Tiranë, për Ditën e Bashkimit të Gjermanisë | Gëzuar Ditën e Bashkimit të Gjermanisë! Bashkimi i Gjermanisë është një dëshmi e fuqisë së lirisë, unitetit dhe besimit te një e ardhme më e mirë.
Shpreh mirënjohjen për mbështetjen e çmuar që Gjermania i ka dhënë dhe vijon t’i japë Shqipërisë dhe shqiptarëve në rrugën e tyre drejt integrimit europian. Marrëdhëniet mes Shqipërisë dhe Gjermanisë janë të mbështetura mbi miqësinë, bashkëpunimin dhe një vizion të përbashkët europian.