Lagjja “Liria” në Shkodër po kalon një transformim të dukshëm pas viteve të tëra në gjendje të amortizuar. Kryetari i Bashkisë së Shkodrës, Benet Beci, ka ndarë pamje nga ndryshimet që po ndodhin në zonë, duke theksuar se ajo po rifiton identitetin dhe rregullin urban që i mungonte prej kohësh.
“Lagjia ‘Liria’ prej vitesh ishte kthyer në një pamje të shëmtuar. Tani zona po rifiton identitet dhe rregull urban,” shkruan Beci në rrjetet sociale.
Sipas tij, ndërhyrjet që po kryhen në infrastrukturë, ndriçim dhe hapësira publike synojnë ta kthejnë lagjen në një ambient më të denjë dhe funksional për banorët./J.H/
