Kryetari i Partisë Demokratike, Sali Berisha ka shkuar sot për vizitë ngushëllimi te Presidenti i PL-së, Ilir Meta, i cili po mban vizita ngushëlluese për humbjen e babait të tij të ndjerë, Rexhep Meta.
Berisha shqërohej nga dhëndri i tij, Jamarbër Malltezi.
Në një prononcim për mediat, Berisha foli edhe në lidhje me procesin ndaj Metës, ku tha se ishte një farsë e turpshme.
“Një farsë e turpshme, një farsë që mbahet gjallë nga një ish-xhelat i Sigurimit të Shtetit dhe të tjerë, me falsitete, dokumente false dhe si zbatim i porosisë së Edvin Kristaq Ramës, njeriut, krimet familjare të të cilit e bëjnë atë më kriminel se etërit e tij.
E thotë Viktor Hygo diku: çobani i bagëtive të egra është më i egër se ato.
Bastardi i egërsirave, i xhelatëve komunistë, është më i egër se vetë ata.
Dëgjoni, ju duhet të bëni investigim. Unë i ftoj mediat të bëjnë investigim.
Dëgjoni çfarë bëjnë: dorëzojnë dokumente të cilat faktojnë se kanë ngritur akuzën mbi falsitete dhe nuk do t’i jepen LSI-së për dy vjet. Nuk duhet t’i shohin, sepse nuk duan t’u dalin false akuzat e turpshme që kanë lëshuar ndaj tij.
Edhe njëherë u them: asnjëra prej akuzave nuk ka absolutisht asnjë substancë.
E mban Edi Rama vetëm nga frika dhe tmerri, sepse, siç e shihni ju, ai tani mbahet në çdo fije bari. Është i aftë për çdo akt, pasi, në fakt, është një kufomë e pakallur”, tha Berisha.