Prej orës 08:00, demokratët janë drejtuar drejt kutive të votimit për zgjedhjen e kryetarit që do të drejtojë forcën politike në katër vitet e ardhshme. Sali Berisha si i vetëm ”kandidat”, e ka cilësuar procesin e 23 majit si një referendum për drejtimin e partisë. Berisha deklaroi se votimet, edhe pse me një kandidat të vetëm, janë demokratike dhe synojnë ripërtëritjen e Partisë Demokratike.
Numri i anëtarëve në listën e degës së Sarandës është reduktuar ndjeshëm në 870 persona, duke hequr nga listat 410 anëtarë. Sipas informacioneve, nga listat janë hequr anëtarë që janë larguar nga Partia Demokratike ndër vite, si edhe persona që kanë ndërruar jetë.
1600 anëtarë të Partisë Demokratike në Vlorë kanë të drejtën e votës për të zgjedhur kreun e ardhshëm të PD. Në Vlorë ashtu si në të gjithë vendin ka nisur procesi i votimit që po kryhet me parimin një anëtarë një votë. Ka nisur në orën 08:00 të mëngjesit dhe pritet të vazhdoj deri në orën 18:00 të mbrëmjes.
