Në protestën e 108-të kundër qeverisë, qytetarët kanë zgjedhur edhe këtë herë pankartat për të përcjellë mesazhet e tyre politike, duke ironizuar kryeministrin Edi Rama dhe zhvillimet e fundit në politikën shqiptare.
Një prej pankartave i drejtohet drejtpërdrejt Ramës, ndërsa në qendër të mesazhit vendoset edhe zëvendëskryeministrja Belinda Balluku.
“Rama jashtë, problem me shqiptarët. Balluku në Tiranë – problem me qytetarët. Kur popullit i fshihesh, me ç’fytyrë pushtetit i ngjitesh?”, thuhet në pankartë.
Përmes sloganeve dhe mesazheve të shkruara, protestuesit kanë shprehur kundërshtimin ndaj qeverisë, duke përdorur ironinë dhe kritikat politike për të komentuar zhvillimet e fundit.
Pankartat janë kthyer kështu në një nga mënyrat kryesore përmes të cilave qytetarët kanë përcjellë qëndrimet e tyre gjatë protestës së 108-të.
