Zdrava SHPK në Kavajë, një nga sipërmarrjet shqiptare në fushën e agro-përpunimit, vijon të zgjerojë kapacitetet e saj prodhuese dhe eksportuese pas më shumë se dy dekadash aktivitet.
Kryeministri Edi Rama ka vlerësuar përmes një reagimi punën e kësaj kompanie, duke theksuar rëndësinë e investimeve në teknologji, mbështetjes nga programet qeveritare dhe bashkëpunimit me fermerët vendas.
Sipas Ramës, falë këtyre zhvillimeve, kompania sot arrin të eksportojë produkte shqiptare në dhjetëra tregje ndërkombëtare, duke krijuar më shumë mundësi për prodhuesit vendas. “Agro-përpunimi është një hallkë kyçe për më shumë vlerë të shtuar, më shumë eksporte dhe më shumë të ardhura për fermerët”, u shpreh Rama.
Postimi i plotë
Kavajë-Zdrava SHPK, një sipërmarrje që prej më shumë se dy dekadash i jep vlerë prodhimit vendas përmes agro-përpunimit. Falë investimeve në teknologji, mbështetjes nga programet e qeverisë dhe bashkëpunimit me fermerë si Xhuljan Doda, kjo sipërmarrje ka rritur kapacitetet përpunuese dhe sot eksporton produktet shqiptare në dhjetëra tregje ndërkombëtare. Mbështesim agro-përpunimin si një hallkë kyçe për më shumë vlerë të shtuar, më shumë eksporte dhe më shumë të ardhura për fermerët.