Nënkryetari i PD-së, Luçiano Boçi i ftuar këtë mbrëmje në ”Koha Jonë-Debat” me Nikoll Lesi, i pyetur për largimin e Sali Berishës nga drejtimi i PD-së, tregoi sesi e lexon këtë mendim edhe të opinionit publik. Lesi u shpreh se Berisha ”e ka bërë epokën e vet” dhe se mbetet një ”burrë shteti me të mirat dhe të këqijat e tij”, duke theksuar se figura e tij duhet gjykuar nga historia me kalimin e kohës. Nga ana tjetër, Boçi e cilësoi këtë qëndrim si kontradiktor, duke e interpretuar si një lloj kritike të fshehur ndaj Berishës.
Pjesë nga debati:
Lesi: Berisha e ka bërë epokën e vet, mbetet burrë shteti, me të mirat dhe të këqijat e tij. Duhet që historia pas 50 viteve gjykon ftohtë liderin, por po të isha unë në PD; do ti thoja në mbledhjen e grupit parlamentar: I dashur doktor, tani ngelesh lider shpirtëror i demokratëve, dhe bërë gjithë këto punë, ju lutem fut indietron, megjithëse ai nuk i jep makinës, duhet t’ia mësojmë, dhe të gjejmi një emër tjetër si kandidat për kryeministër.
Boçi: Ky është lavdërim në pamje të parë, por me goditje…
Lesi: Ti po mundohesh pa mbrosh Berishën me zor.
Boçi: Unë dëgjova parashtrimin. Po mbetet lideri historik, është burrë shteti, por që duhet të largohet. Po e shan në fund fare.
Lesi: Unë them opinionin publik.
Boçi: Jo nuk është opinioni, se nuk përfaqësohet nga disa zëra. Sali Berisha është burrë shteti, nga më të mëdhenjt që ka pasur Shqipëria. Dhe nuk e them në mënyrë euforike.