Koha për lider të ri në PD? Luçiano Boçi tregon çfarë duhet të bëjë Sali Berisha

Nënkryetari i PD-së, Luçiano Boçi i ftuar këtë mbrëmje në ”Koha Jonë-Debat” me Nikoll Lesi, i pyetur për largimin e Sali Berishës nga drejtimi i PD-së, tregoi sesi e lexon këtë mendim edhe të opinionit publik. Lesi u shpreh se Berisha ”e ka bërë epokën e vet” dhe se mbetet një ”burrë shteti me të mirat dhe të këqijat e tij”, duke theksuar se figura e tij duhet gjykuar nga historia me kalimin e kohës. Nga ana tjetër, Boçi e cilësoi këtë qëndrim si kontradiktor, duke e interpretuar si një lloj kritike të fshehur ndaj Berishës.

Pjesë nga debati:

Lesi: Berisha e ka bërë epokën e vet, për mua mbetet burrë shteti, me të mirat dhe të këqijat e tij. Duhet historia pas 50 viteve gjykon ftohtë liderin e madh dhe po të isha unë në PD; do ti thoja në mbledhjen e grupit parlamentar: I dashur doktor, tani ngelesh lider shpirtëror i demokratëve, dhe bërë gjithë këto punë, ju lutem fut indjetron, megjithëse ai nuk i jep makinës, duhet t’ia mësojmë, dhe të gjejmi një emër tjetër si kandidat për kryeministër.

Boçi: Ky është lavdërim duke e parë.

Lesi: Ti po mundohesh pa mbrosh Berishën me zor.

Boçi: Unë dëgjova parashtrimin dhe ti po e mbron. Unë po them, unë lavdërim që thua: Po mbetet lideri historik, është burrë shteti, por që duhet të largohet. Po e shan në fund fare.

Lesi: Unë them opinionin publik.

Boçi: Jo nuk është opinioni, se nuk përfaqësohet nga disa zëra. Sali Berisha është burrë shteti, nga më të mëdhenjt që ka pasur Shqipëria. Dhe nuk e them në mënyrë euforike.