Bypass-i i Tiranës është një tjetër projekt i rëndësishëm infrastrukturor për të cilin ka nisur puna në terren në dy fazat e para. Kjo vepër ka një gjatësi prej 21 kilometrash dhe projekti parashikon ndërtimin e një rruge të kategorisë A, (rrugë ndërurbane kryesore).
Ministri i Infrastrukturës dhe Energjisë, Enea Karakaçi, së bashku me Drejtorin e Autoritetit Rrugor Shqiptar, Ami Kozeli inspektuan ecurinë e punimeve për këtë vepër, ku deri më tani janë realizuar mbi 30% e punimeve fizike.
Ministri Karakaçi e vlerësoi bypass-in e Tiranës si një projekt strategjik pasi bën të mundur lidhjen mes autostradës Milot-Thumanë – Kashar me vazhdimin e autostradës Kashar-Lekaj, pjesë e Korridorit Adriatiko-Jonian, si dhe lidhjen e autostradës Durrës-Tiranë me autostradës Tiranë-Elbasan, pjesë e Korridorit VIII, duke e anashkaluar qytetin e Tiranës.
Postimi i plotë
Bypass-i i Tiranës është një nga projektet më strategjike infrastrukturore, pasi lidh akset e Korridorit Adriatiko-Jonian, Thumanë–Kashar dhe Kashar–Lekaj, si dhe bën të mundur lidhjen e autostradës Durrës–Tiranë me autostradën Tiranë–Elbasan, pjesë e Korridorit VIII, duke anashkaluar qytetin e Tiranës.
Punimet në dy fazat e para po avancojnë me ritme të kënaqshme.
Projekti parashikon ndërtimin e një rruge të kategorisë A, si dhe ndërtimin e rrugëve lokale për të mundësuar aksesin e banorëve dhe bizneseve në të dyja anët e këtij segmenti rrugor. Do të vijojmë ta çojmë përpara këtë projekt, i cili do ta lehtësojë ndjeshëm lëvizjen e automjeteve.