Ministrja e Arsimit dhe deputete e qarkut të Gjirokastrës Mirela Kumbaro ndodhet në Jug të vendit duke ndjekur situatën e emergjencës krijuar nga shirat. Ajo shkruan në statusin e saj në facebook:
Në vëmendje të të gjithë Qarkut Gjirokastër (Memaliaj, Tepelenë, Përmet, Këlcyrë, Libohovë, Dropull, Gjirokastër):
Njoftim i rëndësishëm për banorët e Qarkut Gjirokastër
Si pasojë e reshjeve të dendura, situata në qarkun Gjirokastër dhe veçanërisht në Gjirokastër, është shumë e vështirë. Shumë rrugë janë të mbushura me ujë dhe qarkullimi është i bllokuar në disa akse.
U bëjmë thirrje të gjithë banorëve të shmangin lëvizjet e panevojshme, të tregojnë kujdes maksimal dhe të ndjekin udhëzimet e autoriteteve.
Për çdo problematikë telefononi në numurat e telefonit 127 dhe 128.
Siguria juaj është prioritet!