Fasoneritë janë kthyer në vatrën e nxehtë të përhapjes së koronavirusit në bashkiktë e Krujës dhe Kurbinit.
Ne Kruje operojnë 19 fasoneri, me nga 350 punonjës secila. 6 prej tyre e kanë pezulluar aktivitetin që prej shfaqjes së koronavirusit në vendin tonë.
RTV Ora bisedoi me një prej punonjësve, kompania e të cilit është mbyllur, me 37 vjeçarin Dash Stafuka, i cili rrëfeu këtë periudhë të vështirë.
Stafuka: Është vetëm një fasoneri që ka të prekur në Krujë. Është në hyrje të Krujës, ku shumica e punëtorëve janë nga Thumana dhe Borizana.
Frika e ka kapluar që në shpërthimin e rastit të parë në fasoneri.
Stafuka: Është shumë për tu shqetësuar, sepse Kruja është e vogël dhe të gjithë takohemi me njëri-tjetrin. Në Krujë janë shumë fasoneri.
Shprehet se në fasonerinë ku punonte ruhej distanca, pasi procesi i punës e lejonte këtë.
Stafuka: Fasoneria jonë i ka mundësitë dhe ka mbajtur distancimin, ndërsa fasoneritë e tjera nuk i kanë pasur mundësitë.
Përpos shëndetit, problematikë mbetet fakti se në fasonerinë ku ai punon, aktiviteti është pezulluar, e bashkë më të dhe paga.
Stafuka: Asgjë, nuk paguajnë.
Nga paketat financiare të qeverisë nuk përfiton, ndaj ka një apel.
Stafuka: Apelet janë duke u bërë përditë dhe pafund. Unë i them qeverisë të na tregojë njërën që e ka përmbushur. Përveçse, rri në shtëpi dhe laj duart.
/Ora News