Është e vështirë të kontrollosh emocionet gjatë një bisede të tensionuar, pasi edhe mosmarrëveshja më e vogël ndjehet si një kërcënim i mundshëm. Ky është një reagim i natyrshëm, por problemi është se trupat dhe mendjet tona nuk janë veçanërisht të afta për të dalluar kërcënimin e paraqitur kur nuk bëhet ashtu sic doni ju në lidhje me një projekt dhe rastit kur rreziku është ndjekja nga një ari. Ritmi juaj i zemrës dhe shkalla e frymëmarrjes rritet, muskujt tuaj forcohen, gjaku në trupin tuaj largohet nga organet tuaja, dhe ka të ngjarë të ndiheni aspak rehat.
Asnjë nga këto nuk ju vë në kornizën e duhur të mendjes për të zgjidhur një konflikt. Nëse trupi juaj kalon në modalitetin “luftë ose fluturim”, mund të humbni qasjen në korteksin prefrontal, pjesën e trurit tuaj përgjegjës për të menduarit racional. Dhe marrja e vendimeve racionale është pikërisht ajo që duhet të bëni në një bisedë të vështirë. Jo vetëm që ju po humbni aftësinë për të menduar qartë, por shanset janë që bashkëbiseduesi juaj të vërejë shenjat e stresit, fytyra juaj mund të skuqet, ritmi i fjalimit tuaj shpejtohet dhe, për shkak të neuroneve pasqyrë që na lejojnë të “kapim” emocionet e një personi tjetër, kolegu juaj ka të ngjarë të fillojë të ndjehet në të njëjtën mënyrë. Para se ta kuptoni, biseda do të humbasë fillin dhe konflikti do të intensifikohet.
Për fat të mirë, është e mundur ta ndalosh këtë përgjigje fizike, të menaxhosh emocionet dhe të hapësh rrugën për një diskutim produktiv. Ka disa gjëra që mund të bëni për të mbajtur qetësinë tuaj gjatë një bisede ose për të qetësuar veten nëse keni punuar më shumë.
Merrni frymë. Teknika të thjeshta të ndërgjegjes mund të jenë miku juaj më i mirë në situata të tensionuara dhe asgjë nuk është më e drejtpërdrejtë dhe e arritshme sesa të përdorni frymën tuaj. Kështu që kur të filloni të vëreni veten duke u tensionuar, përpiquni të përqendroheni në frymëmarrje. Vini re ndjesinë e ajrit që del dhe del nga mushkëritë tuaja. Kjo do të tërheq vëmendjen tuaj nga shenjat fizike të panikut dhe do t’ju mbajë të përqendruar. Disa ekspertë sugjerojnë të llogaritni frymën tuaj, rreth 6 herë ose thjesht numëroni deri në 10.
Përqendrohuni tek trupi tuaj. Të rrish ulur gjatë një bisede të vështirë mund të bëjë që emocionet tuaja të akumulohen duke ju vënë në një gjendje jo të mirë. Ekspertët thonë se qëndrimi në këmbë dhe ecja përreth ndihmon në aktivizimin e pjesës së të menduarit të trurit tuaj. Nëse nuk nmund të çoheni nga tryeza ku jeni duke diskutuar mundet të bëni lëvizje të vogla me gishtat tuaj duke lejuar qarkullimin mes gjymtyrëve si dhe të prekni tokën me këmbë duke krijuar kontakt me të cka ju fal qetësi dhe siguri.
Provoni të thoni një mantra. Kjo është një lloj filozofie budiste sipas së cilës është e këshillueshme ti gjeni vetes një shprehje që mund të thoni me vete e cila ju relakson dhe ju qetëson në moment. Disa nga këto shprehje mund të jenë: “Kjo nuk ka të bëjë me mua”, “Kjo do të kalojë”, ose “Kjo është vetëm biznes, asgjë personale”, etj.
Pranoni dhe etiketoni ndjenjat tuaja. Një taktikë tjetër e dobishme është se kur jeni të ndjeshëm, “vëmendja që ju i jepni mendimeve dhe emocioneve tuaja e mbërthen trurin tuaj; duke mos lejuar vend të mjaftueshëm për ti për t’i ekzaminuar ato, “thotë ajo. Për të distancuar veten nga ndjenja, etiketojeni atë. Ajo çka këshillohet është që çdo mendim të konceptohet si një mendim dhe çdo emocion si një ndjenjë. Pra nëse mendoni se kolegu juaj nuk ka të drejtë mos e etiketoni atë që ndjeni si një ndjenjë negative pasi meqenëse ai gabon kjo ju zemëron dhe për pasojë ju nxeh, thjesht lëreni të kalojë dhe krijoni distancë nga mendimet dhe ndjenjat duke mos i ‘varrosur’ në një emërtim aspak produktiv dhe pezhorativ.
Bëni pushim. Kjo është një qasje që do tiu ndihmoj pa masë. Sa më shumë kohë t’i jepni vetes për të përpunuar emocionet tuaja, aq më pak intensive do të bëhet dhe konflikti apo biseda. Kështu që kur gjërat nxehen, mund të kërkoni një pushim dhe të largoheni nga vendi i debatit për një gotë ujë ose një filxhan kafe, duke i dhënë vetës kohë për t’u qetësuar dhe për të marrë frymë.
Së fundmi, dihet që konfliktet me bashkëpunëtorët mund të jenë të vështira. Por nuk do të mund të zgjidhni asnjë konflikt ose të mbani një marrëdhënie pozitive nëse implikoheni në debat në një moment kur jeni tërësisht të lodhur dhe pa energji.
HBR – SCAN