Heronjtë që po luftojnë në vijën e parë me virusin vdekjeprurës janë bluzat e bardha, të cilët kanë lënë veten mënjanë dhe jetën e tyre e kanë vënë në shërbim të të prekurëve. Ndaj, të gjithë ne që jemi të izoluar, sonte në orën 20:00 kemi një mision të rëndësishëm. Zyra e BE në vendin tonë i ka bërë thirrje të gjithë qytetarëve shqiptarë që sot në orën 20:00 të mbrëmjes të bashkohen për të duartrokitur heronjtë që përballen me koronavirusin. “Duartrokasim sonte për profesionistë të kujdesit shëndetësor, studiues, zjarrfikës, policë dhe të gjithë ata që janë atje duke luftuar kundër Covid19”, shkruan në Twitter zyra e BE.