Mbledhja e Këshillit të Mandateve ku po shqyrtohet kërkesa e SPAK për arrestimin e ish-zv/kryeministrit Arben Ahmetaj, është ndërprerë pasi opozita kërkon që të mbahet me dyer të hapura. Ndërkohë vetë SPAK-u ka kërkuar që të mbahet me dyer të mbyllura për shkak të sekretit hetimor.
Deputeti i PD-së, Ervin Salianji mësohet se i është drejtuar deputetes së PS-së, Ermonela Felajt duke i thënë se është në konflikt interesi dhe ndaj e kërkon mbledhjen me dyer të mbyllura.
“Je e përfshirë njësoj dhe je pjesë e dosjes dhe prandaj e kërkon të mbyllur mbledhjen”, është shprehur ai. Në këtë moment është kërkuar dhe ndërprerja e mbledhjes për 5 minuta. Ahmetaj nuk merr pjesë në mbledhje, por do të përfaqësohet nga avokatët e tij.
