Kryetari i Partisë Demokratike, Lulzim Basha u ka dërguar pasditen e djeshme një mesazh anëtarëve të Kryesisë së PD-së dhe krerëve të degëve.
Përmes një porosie të qartë, lideri i PD-së kërkon ndihmën e tyre, kur na ndajnë pak muaj nga zgjedhjet.
Rrjetet sociale, thotë kryedemokrati, në kohën e pandemisë, por edhe për faktin se shumë media nuk e pasqyrojnë, mbeten mjet i rëndësishëm për shpërndarjen e mesazheve drejt qytetarëve. Ndaj, u kërkon të bashkëpunojnë dhe ndajnë në profilet e tyre postimet e PD, në mënyrë që të shpërndahen dhe rishpërndahen sa më shumë.
