Belinda Balluku, zv/kryeministre dhe ministre, por edhe si drejtuese politike e PS për krejt qarkun e Fierit, vazhdon takimet edhe këto ditë gushti kur shumica e qeverisë ka marrë pushimet. Ajo ishte në Fier ku me pas publikon një video dhe ku në statusin e saj shkruan: “Fieri ka iniciativa të reja të cilat kanë ndryshuar totalisht qasjen e tregut siç është dhe rasti i Erjonës. Pasionin dhe formimin e saj profesional e ka kthyer në një biznes ku prej më shumë se tre vitesh prodhon dhe tregton produkte organike dhe kozmetikë. Sot kjo sipërmarrje është kthyer në një pikë referimi jo vetëm për vajzat dhe gratë e Fierit. Një tjetër shembull kuptimplotë të njerëzve të thjeshtë që ja kanë dalë të çojnë përpara pasionet e tyre. Kënaqësi ta vizitoja dhe të bisedoja me të”.