Mbyllja zyrtarisht e hetimeve për Sali Berishën dhe dhëndrin e tij, Jamarbër Malltezi, për çështjen “Partizani”, kalon procesin në një etapë tjetër, atë të përballjen në gjykatë. Berisha në një intervistë në A2 CNN zbulon edhe njëherë detajet e dosjes dhe insiston në pafajësinë e tij në këtë proces, i cili sipas tij është i montuar, politik dhe i ngritur mbi fakte të rreme. Berisha deklaroi se në 4 vite, prokurorët e SPAK nuk gjetën asnjë provë që e fajëson atë apo dhëndrin e tij për këtë privatizim, teksa akuzon Ramën se vëllai i tij ia kishte vënë syrin kësaj prone.
”Më duhet të theksoj se ky proces, hetimi 4 vjeçar, përfundoi me një piramidë mashtrimi, të ndërtuar mbi bazën e falsifikimit, manipulimit të qindra dokumenteve dhe shpifjeve të prokurorëve politikë Altin Dumani, të pyetjes 1 milionë euro, ish-xhelatit të sigurimit të Shtetit, Arben Kraja, të vilave dhe ndërtimeve nga burime të zeza, motrës biologjike të Taulant Ballës dhe ndrikullës së bandave të krimit, Millonai.
Pas 4 vitesh nuk është gjetur një dokument, në të gjithë veprimtarinë e Sali Berishën që të mos përputhet me ligjin, që të synojë një grup të veçantë. Malltezi ka përfituar pasuritë e gjyshërve të tij 410 metër katror. Kjo bazohet në falsifikim. Dokumente zyrtare të viteve 35 deri në 46. Fletoret zyrtare të viteve 41-42, faktojnë se kjo pronë është e këtyre familjeve. Dekretet e Jakomonit tregojnë se prona nuk ishte shpronësuar, por dhënë 2 herë nga 6 muaj në rekuizitë”, tha mes të tjerash Berisha.
