Deputeti i PS-së, Erion Braçe vijon që të bëjë opozitën në Tiranë, në këtë qark ai fitoi edhe mandatin e deputetit. Braçe ka reaguar ashpër përmes një denoncimi lidhur me zaptimin e hapësirave publike në zonën e bllokut “1 Maji”, në Tiranë. Sakaq, me video ka denoncuar për koshat e plehrave. ”Tiranë/5 sa. Selitë-Qendra e vetme shëndetësore; koshat e plehrave dhe plehrat si “imunitet” shëndetësor! Që nga shkurti kam kërkuar thjesht të hiqen koshat dhe plehrat nga qendra shëndetësore! Çfarë standardi shëndetësor është ky për Ministrinë e Shëndetësisë dhe Bashkinë e Tiranës? Përse duhet bërë mbledhje për këtë? Përse? Sepse bashkia dhe ministria nuk binden t’i heqin? Thjesht hi-qi-ni! Kaq”,-shkruan Braçe.