Betimi i Arta Vorpsit para një notereje si anëtare e Gjykatës Kushtetuese është një nul juridik, ndërsa aktet noteriale janë të papranueshme. Kështu u shpreh në një intervistë Syri TV këshilltari juridik i presidentit të Republikës, Bledar Dervishaj. Sipas tij, neni 129 i Kushtetutës dhe neni 8 i ligjit për Gjykatën e qartëson saktë se, betimi bëhet vetëm para Presidentit të Republikës.
Si nisi përplasja mes Parlamentit dhe presidentit për çështjen e Arta Vorpsit?
“Presidenti emëron 3 gjykatës të Gjykatës Kushtetuese, 3 të tjera nga Kuvendi dhe 3 nga Gjykata e Lartë. Për shkak të mbarimit të mandatit të zotit Berberi e ka shpallir vakancën që në shkurt, po atë ditë u shpall vakanca edhe për një gjykatës tjetër dhe më pas iu përcollën Këshillit të Emërimeve në Drejtësi.
Anëtari i parë emërohet nga presidenti, i dyti nga Kuvendi dhe i treti nga Gjykata e Lartë. Kjo rradhë ndiqet për të gjitha emërimet. Që do të thotë se, presidenti nuk mund të emërojë 2 gjyqtarë pas njëri-tjetrit, por të plotësojë vakancat”, u shpreh Dervishaj.
Pse u emërua Besnik Muçi pa kaluar Vettingun?
“Kandiatët për Gjykatën Kushtetuese duhet të kenë kaluar Vettingun. Këshilli i Emërimeve në Drejtësi kja miratuar edhe disa akte nënligjore, dhe falë kësaj pikëzoi dhe lejoi emërimin e zotit Muçi dhe ia paraqiti si kandidaturë presidentit. Presidenti i ka bërë me dije në relacionin e tij”, tha këshilltari i kreut të shtetit.
Çfarë do të ndodhë ditën e nesërme?
“Përse Kuvendi anatemon kompetencat e presidentit të Republikës. Nëse ajo rezolutë votohet nesër, atëherë kemi të bëjmë me përplasje institucionale. Më vjen keq që Kuvendi vijon të kundërshtojë pa të drejtë vendimet që merr presidenti i Republikës. Është komplet qëndrim politik”, tha ndër të tjera Dervishaj.