Ministri i Jashtëm, Igli Hasani, ka dhënë detaje në lidhje me procesin e evakuimit të pesë shqiptarëve nga Izraeli, pas nisjes së konfliktit me Iranin.
“MEPJ përmes ambasadave të saj ka ndjekur me vëmendje në çdo etapë evakuimin e 5 shqiptarëve nga Izraeli, të cilët kanë mbërritur shëndosh e mirë në orët e para të mëngjesit në Athinë. 3 prej tyre kanë vazhduar rrugën dhe gjenden tashmë në Tiranë; njëri kthehet sonte në mbrëmje në Shqipëri, ndërsa personi i pestë është rezident në Greqi dhe do të qëndrojë në vendin fqinj”, shkruan ministri i Jashtëm Igli Hasani në reagimin e tij.