Kryeministri Edi Rama gjatë një bashkëbisedimi online me qytetarët në rrjetet sociale dhe në një lidhje direkte me gazetarët, foli për financimet ruse në partitë politike shqiptare.
Rama u shpreh se drejtësia e trajtoi si cështje por sipas tij nuk i dha kurrë një përgjigje.
Gjithashtu kryeministri i ka dërguar mesazh prokurorisë që të nisë hetimet, duke iu thënë gazetarëve se për më tepër duhet t’i drejtohen Prokurorisë.
“Dua t’iu kujtoj juve, që po e trajtoni me të drejtë këtë temë, se kjo nuk është një temë e re, nuk është aspak e panjohur për ne, kur ne e kemi trajtuar e ngritur shumë prej jush, përfshi edhe ata që sot hidhen përpjetë se e konisderojnë një tjetër gur për luftën e tyre të brendshme, na kanë përqeshur dhe askush përvec PS nuk ka marrë përsipër të thellohet në këtë drejtim.
Drejtësia e ka trajtuar këtë cështje dhe s’i ka dhënë kurrë përgjigje. Është për të ardhur keq që shoh shumë të skandalizuar sot, sepse duhet të bënin detyrën e tyre”- u shpreh kryeministri Edi Rama