
Çdo pemë që mbillet në shkollë është një burim oksigjeni për nxënësit.
Nismës së mbjelljes së pemëve për të patur sa më shumë ambjente të gjelbërta i është bashkuar edhe shkolla 9 -vjecare në Hajdaran.
Në këtë fushatë ka qenë edhe kryetari i bashkisë së Elbasanit, Gledian Llatja i shoqëruar nga deputetja Desantila Tahiraj.
“Bashkë me nxënësit e klasës së 9-të por edhe me më të vegjlit, e ndalëm nismën tonë në ambjentet e shkollës së Hajdaranit, për të mbjellë sa më shumë pemë, me qëllim që të kemi sa më shumë ambjente të gjelbëruara“, tha Llatja.
Nuk është hera e parë që në këtë shkollë mbillen pemë, por kanë qenë pikërisht nxënësit e klasës së 9-të ata të cilët e kanë ndërmarë këtë nismë në mënyrë simbolike, ku kanë mbjellë 10 fidanë kumbull të kuqe. Deputetja Tahiraj edhe një herë e ka vënë theksin tek fakti se cdo pemë e re e mbjellë i shërben një mjedisi më të mirë por edhe një shëndeti më të mirë”. Bashkia e Elbasanit vijon të mbjellë pemë jo vetëm në ambjente shkollash, por edhe në qytet, në pika turistike aty ku ka pyje, si edhe në mushkërinë e qytetit, në Kodër Krastë.
