Kryeministri Edi Rama ka inspektuar ditën e sotme Parkun e Shtëpisë së Pavarësisë dhe infrastrukturën lidhëse të Transballkanikes me zonën e portit në Vlorë.
I shoqëruar nga deputeti vlonjat Damian Gjiknuri kryeministri Rama është njohur nga afër me punën që po vijon në terren, teksa ka kërkuar më shumë informacion rreth projektit.
“Spektakël është, dhe se si u hap gjithë kjo hapësirë. Dukej e pamundur që të kishte kaq hapësirë. Nga Sheshi i Flamurit deri tek Tuneli, ti ecën në këmbë pa ndërprerje ose me biçikletë. Super është, dhe prit që të hapet ajo tjetra aty”, tha Rama.
Mësohet se së shpejti nis puna edhe për tre Portet e reja ai Turistik, i Mallrave dhe Porti i Peshkatarëve.
Me sa duket nga Durrësi, ku sot është deputet, Edi Rama shikon 2025-ën, ndërsa kur shkon në Vlorë e takon Gjiknurin prek 2030-ën!