Mjeku i njohur infeksionist, Pëllumb Pipero tha mbrëmjen e djeshme te “Zonë e Lirë” se pas rritjes së numrit të infeksioneve, ka ardhur koha që mbajtja e maskës të bëhet detyrim ligjor.
“Nëse nuk mbahet dot distanca, në markete, në zyra dhe në çdo mjedis, atëherë maska duhet të bëhet me detyrim ligjor”.
Deri këtu gjithçka mbetet korrekte, sepse masat mbrojtëse duhen strikte.
Por siç duket pas gjithë këtyre ditëve me rritje të numrit të të prekurve fshihet dhe një ide diabolike e kryeministrit para fushatës elektorale parlamentare e cila de facto nis në shtator të këtij viti. Me këtë rast kryeministri përveç maskës së Piperos do të vendosë me ligj se nuk lejohen grumbullimet me shumë se tre veta, çka zhbën protestat masive të opozitës nga vjeshta.
Të gjithë jemi dëshmitarë të mbylljes në shtëpi dhe kur loja imagjinare haluçinante e “Beut të Surrelit” sajoi nxjerrjen e autoblindave me mitralozë nëpër udhët e kryeqytetit, çka në psikikën e çdo njeriu fjalimet me “armik të padukshëm”, me “luftë” të kryeministrit sollën edhe një mbyllje me frikë të qytetarëve, të cilët si në kohë lufte u strukën nëpër shtëpi. Mundet, edhe nga frika personale, kryeministri ta ketë menduar këtë “luftë” e cila mund të arrinte deri në Surrel ku ishte “bunkieri i Komandantit të Përgjithshëm”. Flitet se zona përreth “Bunkierit të Surrelit” ishte dizinfektuar dhe ruhej me ushtarë se mos virusi kalonte pragun e hynte të “Komandanti i Përgjithshëm” i luftës kundër Covid-19.
Ato ditë, Rama dilte në TV dy apo tre herë në ditë si “komandanti i përgjithshëm” i kësaj lufte imagjinare. Mbante fjalime sikur nga çasti në çast “ushtritë e virusit” do pushtonin Tiranën.
Por tani që numrat janë rritur ndjeshëm, pse nuk del “beu i Surrelit” apo e di se është një lojë kjo rritje numrash për ti shërbyer idesë së miratimit të ligjit se nuk duhen më grumbullime, takime, protesta,etj. Asnjë nuk beson se “komiteti i ekspertëve” vendos apo që numrat janë të saktë. Edhe në muajt mars-prill-maj nuk dilte asnjë shifër apo vendim nga “komiteti”. Ishte “komiteti” që zbardhte sms apo direktivat e Edi Ramës. Dhe ishte KOMANDANTI që ulte në mënyrë drastike numrat e viktimave, sepse janë raportuar nga mediat dhe opozita shumë viktima, por që u tretën në dheun e vendit pa u regjistruar.
Po sot pse po i rrit numrat e të prekurve?! Si ka mundësi që jep numra gjithnjë në rritje, duke bërë që edhe BE të na mbyllë kufijtë apo i pëlqen ideja diktatoriale e mbylljes së një populli brenda kufijve?
Apo pritet ligji që deri në zgjedhje të mos ketë protesta, sepse sondazhet tregojnë humbjen totale të pushtetit e ku vrulli i zemërimit popullor do jetë tmerrues duke filluar nga shtatori?
Edi Rama e ka në kokë një ide, por që mbetet djallëzore.