Kryetarja e LSI-së, Monika Kryemadhi ka shpërndarë në Facebook shkrimin e pedagoges dhe socialistes, Edlira Haxhymeri, e cila kritikonte ish-ministren e Arsimit Besa Shahini.
Kryemadhi shprehet se mesazhi i Haxhiymerit është dëshmia se socialistët kanë nevojë të flasin dhe të veprojnë kundër modelit të Rilindjes.
“Profesoreshë Edlira Haxhiymeri, sa shumë humbëm nga njëri-tjetri, por edhe pse ne kemi marrë drejtime të ndryshme, ndjenjat e një socialisti të vërtetë nuk fshihen. Përmes statusit tuaj, sot më shumë se kurrë kuptova që socialistët ndjejnë nevojën e të folurit dhe të vepruarit. Jemi të gjithë së bashku”, shkruan Kryemadhi në mesazhin e saj në Facebook.
Mesazhi i Edlira Haxhiymerit për Besa Shehinin:
Ike. Të shkarkuan. Në një ditë të shënuar. Po ti e kapërdive me kafen zeher.
Po nuk na the si erdhe? Kush të pruri? Çfarë meritash kishe në fushën e arsimit? Sa e njihje mjedisin shqiptar? Po arsimin? Kishe ekspertizë në ndonjë prej niveleve të arsimit? Çfarë edukimi kishe ti vetë? Çfarë te bênte ty më te zonjën se qindra vajza dhe djem të Shqipërisë dhe të Kosovës që shkelqejnë nëpër botë e nuk ju hap kush rrugën në atdhe? Cfarê kontributi pate në politikën shqiptare qê të meritoje drejtimin e arsimit?
Ike. Bëre mirë që ike. Të kishe ikur edhe më parë.
Le vetëm gjurmë negative në ‘mbretërimin’ tênd.
Do kujtohesh për mashtrimin me ‘paktin për univesitetin’ që mbeti vetëm në letêr.
Do kujtohesh si ministrja që solli dhe mbrojti modelin e testit të Turit.
Do kujtohesh si ministrja e masakrês zgjedhore ne universitete.
Nuk mund të ikje edhe pa thagmën e fundit: formularin për të miturit.
Ik.
Po ti nuk mund te ikje pa lëshuar helmin e akrepit që ke në bark!
Nuk të pranuam pêr gegnishten tênde!!!!
Jo jo, mos u fsheh pas helmit të ‘racizmit kombëtar’. Nuk të pranuam për padijen, dashakeqësinê dhe lëpirjen tënde! Bëhu trimëreshë dhe pranoje se ishe kot aty ku ishe.
Sa për gegnishten, ktheja mbrapsht ustait që ta ka mësuar, nëse nuk është ndjesia jote.
Shqipëria e Kosova janë një. Gegnishtja dhe toskënishtja rrinë mirë pranë e pranë. Na bëjnê më të pasur e krenar ashtu sikurse dhe gjuha standarte.
Ismail Qemali, Hasan Prishtina, Gjergj Fishta, Mit’hat Frashêri, Ukshin Hoti, Rexhep Qosja, Idriz Ajeti, Ismail Kadareja, Dritëro Agolli, Arbêr Xhaferri e shumë tjerë na e kanë mësuar këtë.
Ik. Të qoftë rruga e mbarë!
https://arkiva.kohajone.com/pedagogia-dhe-ish-deputetja-e-ps-besa-shahinit-nuk-te-pranuam-per-paaftesine-dhe-lepirjen-tende/