Seanca e së hënës, e para për vitin 2024 në Kuvend u mbyll për 13 minuta dhe o votuan me 73 vota ndryshimet në qeveri, me ministrat e rinj. Ndryshe nga herët e kaluara, dje grupi i Berishës dhe Bardhit nuk ndezën flakadanë, por kishin zhurmues ”Çajkovski”.
Ndaj dhe për këtë, grupi Parlamentar i PS-së është duke analizuar pamjet për të identifikuar kush e futi zhurmuesin në Kuvend. Bazuar në pamjet filmike do të vendoset për propozim ndëshkimi në Këshillin e Etikës dhe të Mandateve.
Mos përdorimi flakadanëve shihet si një vetëfrenim nga opozita në mosmarrjen e ndëshkimeve të forta deri në 60 ditë përjashtim, sipas ndryshimit të rregullores së Parlamentit.
Me doza të forta ironie socialisti Erion Braçe nga brenda sallës së parlamentit e komentoi zhurmën si: “Çajkovski në Parlamentin e Shqipërisë.” Sipas tij, kjo është “zhurma e një opozite që urren Parlamentin”.