Ditën e nesërme është njoftuar se do të zhvillohet protestë në orën 19:30 për Jonada Avdinë, e cila gjeti vdekjen pasi u përplas më 2 gusht 2022 nga skafi që drejtonte efektivi i Policisë Arjan Tase .
Protesta do të mbahet para Ministrisë së Brendshme teksa kërkohet dorëheqja e Ministrit të Brendshëm, Bledar Çuçi, Ministres së Turizmit dhe Mjedisit Mirela Kumbaro dhe e Drejtorit të përgjithshëm të policisë së Shtetit Gledis Nano
Kreu i PD, Sali Berisha përmes një postimi në Facebook shpreh mbështetje për protestë.
“Nesër qytetarët në protestë. Mbështetje të plotë protestës së tyre”, shkruan Berisha.
Kjo është protesta e dytë që do të zhvillohet për Jonadën, e para u zhvillua më 4 gusht 2022.
