Partia Demokratike vazhdon që të insistojë se numri i testimeve është e vetmja rrugë që kthen normalitetin në vend. Ish-deputeti i PD, Bardh Spahia, deklaron se rezultatet pozitive të pacientit ndërsa merrte shërbim në spitalin e Traumës, pas aksidentit automobilistik, tregojnë dhe një herë rëndësinë e rritjes së testimeve.
Postimi i ish deputetit të PD Bardh Spahia:
RRUGA E VETME PER KTHIMIN SA ME SHPEJT NE NORMALITET ESHTE SHTIMI I TESTIMEVE
Rezultatet pozitive te pacientit ndërsa merrte shërbim në spitalin e Traumës, pas aksidentit automobilistik, tregojnë dhe njehere rëndësinë e rritjes se testimeve, pasi në këtë mënyrë, jo vetëm nuk arrijmë te shkëpusim dot zinxhirin e infektimit por po vihet çdo ditë në rrezik shëndeti i mjekëve dhe infermierëve dhe rritja e te infektuarve nëpër spitale.
Sot kemi disa mjekë dhe infermierë nga spitali i traumës të vetëkarantinuar. Uroj me zemër që ti kenë shpëtuar infektimit dhe të kthehen shpejt në krye të detyrës aty ku ka dhe shumë nevojë.
Testimet kanë garantuar suksesin e menaxhimit te perhapjes se covid ne shume vende qe sot po behen gati ti hedhin hapat e pare drejt normalizimit. Prandaj pa humbur kohë duhet shtuar numri i testimeve ne menyre që të nisë hapja dhe kthimin ne normalitet ne menyre te sigurt dhe te qëndrueshme.