Votat e shqiptarëve të Greqisë për qarkun e Lezhës po ngushton diferencën mes koalicionit të PD-së që deri tani ka 4 mandate dhe PS-së e cila ka marrë 3 mandate.
PS-ja është përpara me 1557 vota, ndërkohë që me votat e Shqipërisë, në avantazh ishte PD me 1898 vota. Kjo ka bërë që në Parkun Olimpik të shtohet interesi për kutitë e Lezhës.
Kandidati i PD-së, Kastriot Piroli është ai që rrezikon nëse PD-ja humbet mandatin në Lezhë, pasi është renditur i dyti në listën e hapur pas Gjin Gjonit.
Në ndihmë të tij ka shkuar edhe më e votuara e PD-së në Tiranë, Jorida Tabaku, e cila udhëzon numëruesit si t’i kontestojnë votat e Greqisë.