“Fermerët po lënë investimet në Shqipëri dhe po ikin sërish në emigracion”, është një raport i fundit nga revista “Monitor”. Ndaj dhe Presidenti i Shqipërisë, Ilir Meta thotë se të rinjtë investitorë të guximshëm dhe patriotë po ndalojnë punën dhe po braktisin vendin. Për të shkatërrimi i investimeve kurajoze në Bujqësi, çmontimi i serave dhe i stallave është mjerimi i vërtetë i saj, pasojë e braktisjes dhe e mos mbështetjes.
Postimi i plotë
Të gjithë bashkë për të mbështetur bujqësinë, blegtorinë dhe agroturizmin! Të gjithë bashkë kundër shpopullimit dhe shkretimit të krahinave më të bukura dhe patriotike të shqipërisë!
Shkatërrimi i investimeve kurajoze në Bujqësi, çmontimi i serave dhe i stallave është mjerimi i vërtetë i saj, pasojë e braktisjes dhe e mos mbështetjes.
Kur pritej zgjerimi i investimeve në Bujqësi dhe shpresohej që filizat e projekteve kurajoze të të rinjve tanë emigrantë, të lulëzonin, po ndodh e kundërta. Po ç’bëhet gjithçka e arritur me shumë mund e sakrifica!
Po detyrohen të rinjtë investitorë të guximshëm dhe patriotë të ndalojnë punën dhe të braktisin vendin. Ndalja e kësaj tatëpjete dhe shpëtimi i Bujqësisë është një apel dhe detyrë mbarëkombëtare!