Kryeministri Edi Rama ka ndarë në rrjetet sociale një video ku përciellet magjia e plazhit të qetë të Pishporos. Ky është një destinacion tërheqës për ata që kërkojnë një plazh të qetë, larg turizmit masiv, ata që duan të shkëputen nga bota dhe ta ndjejnë detin, rërën, natyrën në të gjithë parmasat e tyre.
Siç dihet plazhi i Pishporos ndodhet vetëm 20 kilometra nga Fierit, në zemër të një ekosistemi të rrallë, Parku Natyror i Pishë‑Poros, pjesë e deltës së lumit Vjosë. Për shumë vite ka qenë i fshehur, pothuajse i panjohur, për shkak të mungesës së infrastrukturës dhe qasjes së vështirë.
Sot, falë punimeve të rrugëve dhe interesit në rritje, ai është bërë një nga destinacionet më tërheqëse për ata që kërkojnë një plazh të qetë, larg turizmit masiv.
Karakteristikat që e bëjnë unik dhe të lakmuar këtë fragment të vijës bregdetare është: Rërat e virgjëra dhe dunet, sipërfaqe natyrore të ruajtura, që formojnë një peizazh të egër e të bukur.
Flora dhe fauna e pasur, më shumë se 100 lloje bimësh aromatike e medicinale, shpendë migratorë dhe habitat i disa specieve të rralla.
Qetësia e natyrës, e shprehur nga mungesa e ndërtimeve masive dhe shërbimeve të zhurmshme krijon një ambient meditativ dhe relaksues.
Pishporo ka filluar të tërheqë turistë shqiptarë e të huaj që kërkojnë autenticitet.
Në verën e fundit janë vendosur disa bar-restorante të vogla dhe shezlongë, por vendi ruan ende pamjen e tij të paprekur.
Fakti që një figurë publike si kryeministri zgjedh të ndajë një ditë pushimi nga Pishporo nuk është vetëm një moment personal.
Ky gjest është edhe një lloj promovimi të turizmit vendas: një ftesë e heshtur që shqiptarët të kthejnë sytë nga këto hapësira të bukura që ende nuk janë prekur nga betoni dhe ndërtime pa kriter.
AV