Nga Petrit Vasili
Rilindja në funksion të kapjes së shfrenuar të Drejtësisë e ka përbuzur, e ka refuzuar dhe e ka hedhur poshtë Komisionin e Venecias.
Zgjedhjen e Prokurorit të Përgjithshëm, u rrëmbye nga Rilindja me 69 vota nga 84, që kërkonte Kushtetuta dhe që rekomandonte Komisioni i Venecias.
Në atë, kur maxhoranca në vitin 2016 i kishte 84 vota në Parlament, Komisioni i Venecias rekomandoi si rregull kalimtar zgjedhjen e Prokurorit të Përgjithshëm:
“Me një shumicë më të madhe se 3/5 at’ që, më pas, do të ishte normë për zgjedhjen e Kryeprokurorit”.
Pra, Komisioni i Venecias kërkonte që të përdorej fillimisht 2/3 për ta zgjedhur për të eliminuar kapjen dhe më pas 3/5 që do të ishte normë e padiskutueshme dhe në vend të kësaj prokurori u grabit me 69 vota.
Konkluzioni i Raportit Interim të Komisionit të Venecias në fundin e vitit 2015 ngre shqetësimin e kapjes së Vetingut nga Rilindja dhe thotë:
“Komisioni i Venecias evidenton se zgjidhje të tillë radikale (si procesi i rivlerësimit) janë të paarsyeshme në kushte normale, pasi krijojnë tensione të mëdha brenda gjyqësorit, destabilizojnë punën e gjyqtarëve, shton mosbesimin e publikut në gjyqësor, shmang vëmendjen e gjyqtarëve nga detyrat e tyre normale, dhe, si çdo masë të jashtëzakonshme, krijon rrezikun e kapjes së gjyqësorit nga ana e forcës politike që kontrollon procesin.”
Realiteti tregon saktësisht këtë që Venecia parashikoi si rrezik madhor të kapjes së Vetingut nga Rilindja dhe që Raporti i OSBE-ODIHR për votimet e 30 qershorit e vulosi kur thotë:
“Gjyqtarët e Kolegjit Zgjedhor gëzojnë imunitet dhe nuk mund të jenë subjekt i procedurave disiplinore gjatë gjithë afatit për të cilin Kolegji është i konstituuar, ata ishin subjekte të procesit të vettingut, i cili mund të prek sigurinë e mandatit të tyre dhe në këtë mënyrë të ndikojë në pavarësinë e tyre”.
Pra, çdo gjë e kërkuar parimisht nga Komisioni i Venecias është hedhur poshtë nga Rilindja.
Komisioni i Venecias u shpreh që Presidenti i Republikës nuk kishte kryer asnjë shkelje të Kushtetutës kur vendosi shtyrjen e votimeve rilindase të 30 qershorit.
Rilindja e hodhi poshtë sërish Komisionin e Venecias dhe vazhdon të mbajë një Komision Hetimor rilindas për shkarkimin e Presidentit.
Ndaj është e qartë që Rilindja e hedh poshtë dhe e refuzon Venecian, sepse babëzia për të kapur drejtësinë dhe dhunimi i Kushtetutës dhe ligjit, ja imponon këtë.
Shkurt, Rilindja dhe Komisioni i Venecias përjashtojnë kategorikisht njëra-tjetrën.