Vizitën e bujshme në Britaninë e Madhe, kryeministri Edi Rama e ka mbyllur me një darkë të organizuar nga sekretari i Jashtëm i Britanisë James Cleverly, të cilin Rama e ka cilësuar një mik i çmuar i Shqipërisë.
Pas përfundimit të takimit dypalësh mes kryeministrit Edi Rama dhe atij britanik Rishi Syunak, të dy liderët ranë dakord për vlerësimin e kapaciteteve të burgjeve në Shqipëri deri në fund të prillit, hapjen e Dhomës Britanike të Tregtisë dhe financimi i eksporteve britanike për Shqipërinë në 4 miliardë stërlina, për lehtësimin e investimeve dhe thellimin e lidhjeve mes universiteteve të Shqipërisë dhe Mbretërisë së Bashkuar.
Dy kryeministrat përshëndetën progresin e deritanishëm, pasi rreth 800 emigrantë të paligjshëm janë kthyer në Shqipëri që prej muajit dhjetor, veprimet kundër krimit të organizuar dhe udhëzimet e reja të Mbretërisë së Bashkuar që përcaktojnë Shqipërinë një vend të sigurt.
Për bashkëpunimin në drejtësinë penale, Kryeministri Edi Rama dhe Kryeministri britanik Rishi Sunak përshëndetën punën e përbashkët në vijim për ekstradimet, ndjekjet penale dhe kapacitetet e mjekësisë ligjore dhe ekstradimin e qindra të burgosurve në bazë të marrëveshjeve ekzistuese.