Ish-deputeti i Lëvizjes Socialiste për Integrim, Përparim Spahiu, deklaron se me lajme për “kasetën e Krushës” Edi Rama dhe socialistët po mundohen të largojnë vëmendjen prej problemeve që i shqetësojnë vërtet qytetarët andej e këndej kufirit.
Në një reagim përmes rrjeteve sociale, Spahiu shprehet se shqiptarët po vuajnë çdo ditë masakrën e COVID, po vuajnë mungesën e shërbimit shëndetësor, pamundësinë e blerjes së ilaçeve, mungesën e mbështetjes financiare nga shteti i tyre si askund në rajon.
“Shqiptarët po vuajnë çdo ditë masakrën e COVID, po vuajnë mungesën e shërbimit shëndetësor, pamundësinë e blerjes së ilaçeve, mungesën e mbështetjes financiare nga shteti i tyre si askund në rajon. Ndërkohë prej dy javësh mediat e sponsorizuara nga qeveria, mbushur me lajme për “kasetën e Krushës” heqin vëmendjen prej problemeve që i shqetësojnë vërtet qytetarët andej e këndej kufirit. Je i larguar, i zhytur në humbjen më të thellë që një parti politike ka përjetuar në 30 vite demokraci”, deklaron në reagimin e tij, kreu i Lëvizjes Socialiste për Integrim për Tiranën, Përparim Spahiu.
