Ish-deputetit i LSI, Vangjel Tavo ka reaguar lidhur me pacientin e radhës që u vetëhodh ditën e sotme nga spitali “Shefqet Ndroqi”. Ky ishte pacienti i pestë i vetëhedhur nga spitalet ku trajtohen të sëmurët me Covid.
Në një postim në Facebook, Tavo shkruan se “të infektuarit me COVID-19 vazhdojnë të trajtohen në ambulanca ose vetëtrajtohen në shtëpi. Testet vazhdojnë me pagësë dhe me çmime të larta.
Testimi në masë dhe falas as që konsiderohet prioritet i qeverisë.”
Më tej, Tavo shton se “numrat e infektimeve dhe vdekjeve janë më të larta se në fillim të pandemisë. Kjo qeveri po rrezikon shëndetin publik. Kjo qeveri është fajtore për papërgjegjshmëri. Kjo qeveri duhet larguar sa më parë. Duhet një qeveri profesionistësh dhe jo propagandistësh.”
Nga Vangjel Tavo
Duhet qeveri profesionistësh e jo propagandistësh
Një qytetar tjetër humbi jetën duke u hedhur nga Spitali “Shefqet Ndroqi.” Numri kaq i madh i qytetarëve që kryejnë vetëvrasje në spitale është i papranueshëm.
Të lënë pa maska dhe mjete mbrojtëse, të braktisur nga qeveria, mjekë dhe infermierë kanë humbur jetën me dhjetëra.
Të infektuarit me COVID-19 vazhdojnë të trajtohen në ambulanca ose vetëtrajtohen në shtëpi.
Testet vazhdojnë me pagësë dhe me çmime të larta.
Testimi në masë dhe falas as që konsiderohet prioritet i qeverisë.
Spitalet rajonale duhet të përdoren për trajtimin e pacientëve të infektuar por nuk mjaftojnë vetëm shtretërit pasi kërkohet oksigjen dhe pajisje mjekësore.
Këto mungojnë. Madje spitalet nuk kanë as sapun pasi paratë kanë shkuar për fasada dhe PPP.
Nuk ka asnjë strategji menaxhimi.
Numrat e infektimeve dhe vdekjeve janë më të larta se në fillim të pandemisë.
Kjo qeveri po rrezikon shëndetin publik.
Kjo qeveri është fajtore për papërgjegjshmëri.
Kjo qeveri duhet larguar sa më parë.
Duhet një qeveri profesionistësh dhe jo propagandistësh.
VT