Prej pasdites së djeshme zjarri në një magazinë në Tiranë vazhdon të jetë aktiv, ndërsa raportohet se i bllokuar ka mbetur një punonjës i sigurisë, shtetasi A.Sala.
Deri tani nuk ka ende asnjë të dhënë për gjendjen e punonjësit të sigurisë. Ndërsa forcat zjarrfikëse po punojnë për shuarjen e flakëve.
Ndërkohë Shefi i Shërbimit të zjarrfikëses, Shkëlqim Goxhaj, ka dhënë detaje lidhur me zjarrin në magazinën te qendra tregtare.
Goxhaj ka thënë për mediat se magazina është 1000 m2 dhe punonjësi i sigurisë ende nuk është gjetur. Më tej ai ka shtuar se janë marrë përforcime nga grupet e shpëtimit të minierave për gjetjen e punonjësit të sigurisë.
“Kemi një zjarr shumë të rrezikshëm i shkaktuar në një magazinë në ambientet e Casa Italia, zjarri është në bodrum dhe materialet janë këpucë e veshmbathje , prandaj na e bën shumë të vështirë punën për të neutralizuar zjarrin, kemi 15 orë që po punojmë me pajisje specifike, më të dhimbshme e bën situatën dhe njoftimin që kem marrë se një punonjës ndodhet në vatrën e zjarrin, pas 3 orëve të para zjarri është eliminuar, por përbërja e magazinës na e bën të pamundur eliminimin e tymit, kemi angazhuar të gjithë personelin e bashkisë, kemi kërkuar ndihmë dhe nga kërkim shpëtimi minerave.
Dhe nga bisedat që kemi bërë me pronarët, sipërfaqja është 1000 m2 dhe është e ndarë në disa pjesë, kemi bërë kontrolle në korridor dhe nuk kemi konstatuar trupin, puna është përqendruar te magazina, ambienti ku është magazina është e pamundur që të bëhet ndërhyrje normale, ndërhyrja ka qenë nga brenda që në herën e parë, punonjësit futen grupe grupe, këto zjarre janë shumë të rrezikshme dhe po të kemi parasysh ngjarjet e kaluarakanë vazhduar për ditë të tëra, për objektin dhe zonën përrreth nuk do jetë i rrezikshëm se flakët janë ulur“, tha Goxhaj.
Ndërkohë një ditë më parë, policia në njoftimin zyrtar tha: “Me datë 24.03.2021, rreth orës 16:40, tek “Casa Italia” ka rënë zjarr në një magazinë. Shërbimet e zjarrëfikses ndodhen në vendngjarje dhe po punojnë për fikjen e zjarrit. Grupi hetimor dhe sherbimet e Policisë vijojnë punën për sqarimin e rrethanave të ngjarjes”.