Kryetari i Bashkisë së Tiranës Erion Veliaj komentoi në një intervistë për Report tv dhe raportet me kryeministrin Rama. Veliaj tha se ka raport tepër të ngushtë dhe intensiv bashkëpunimi si kryetar bashkie me kryeministrin Edi Rama.
“Po të shikosh edhe opozita e vuan shumë faktin që ne kemi një skuadër besnike, një skuadër profesioniste dhe një skuadër të testuar në ditë të vështira dhe ditë të mira. Opozita fantazon non stop për një ftohje, moskomunikim. I kanë varur të gjitha shpresat te disa budallëqe me okë që nuk i beson asnjë njeri. Unë dhe Edi Rama kemi raportin më të ngushtë dhe më intensiv që ka pasur ndonjëherë në historinë e këtij vendi apo edhe te ndonjë vendi tjetër një kryetar bashkie dhe me kryeministrin. Patjetër, fat që kryeministri ka qenë edhe kryetar bashkie dhe i kap menjëherë temat e bashkisë. Nëse me dikë tjetër do më duhet ta shpjegoja 100 herë, një muhabet me Edin për punë sekondash e kapim fillin e njëri tjetrin”, theksoi Veliaj.