Investitorët austriakë vlerësojnë potencialin për resort skish në alpet shqiptare. Kryebashkiaku i Shkodrës, Bent Beci zhvilloi këtë të hënë një udhëtim pune në Alpe me Peter Schröcksnadel, një nga investitorët e resorteve austriake më me zë në këtë fushë, në Austri e Zvicër, si edhe zv.president i Komitetit Olimpik në Austri. Ata u shoqëruan edhe nga presidenti i Komitetit Olimpik Kombëtar Shqiptar, Fidel Ylli dhe vizituan disa pika në Shalë dhe Theth për të parë mundësinë e investimeve për pista skish. ”Një udhëtim i bukur pune me investitorë austriakë për të vlerësuar potencialin për resort skish në Alpet magjike shqiptare në Shkodër”, u shpreh Beci.