Nënkryetarja e LSI-së, Erisa Xhixho i bën thirje kryeministrit Edi Rama që të mos bëjë lojëra me Kodin Zgjedhor por që të hapë listat 100%. Sipas saj asnjë truk, asnjë hile, asnjë mashtrim për të favorizuar të zgjedhurit e kryetarit. “Propaganda e kësaj maxhorance për hapje listash ra, duke treguar edhe një herë sa frikë ka nga vota dhe përballja me qytetarët pas shkatërrimit që i kanë bërë vendit. Listat duhen hapur për të rikthyer shpresën se vetëm fuqia e votës mund të sjellë ndryshimin në përfaqesim duke përfshirë në parlament individë me integritet, profesionistë ku vendimarrjet e tyre t’i marrin në interes të njerëzve dhe vendit”,-shkruan Xhixho në facebook.
Postimi i plotë
Me lista të hapura nga i pari tek i fundit kandidat i çdo partie, me qëllim që zgjedhësit të vendosin se kë duan të çojnë në Kuvend. Asnjë truk, asnjë hile, asnjë mashtrim për të favorizuar të zgjedhurit e kryetarit. Këtë kërkojnë qytetarët dhe kjo duhet bërë.
Propozimi i Partisë Socialiste për mbylljen e listave me formulë ku qytetarët nuk mund të vendosin me votën e tyre se kush do t’i përfaqësojë në Kuvend pas 25 prillit të vitit të ardhshëm, dëshmon sesa fasadë kanë qënë ndryshimet kushtetuese të 30 korrikut.
Propaganda e kësaj maxhorance për hapje listash ra, duke treguar edhe një herë sa frikë ka nga vota dhe perballja me qytetarët pas shkatërrimit që i kanë bërë vendit. Listat duhen hapur për të rikthyer shpresën se vetëm fuqia e votës mund të sjellë ndryshimin në përfaqesim duke përfshirë në parlament individë me integritet, profesionistë ku vendimarrjet e tyre t’i marrin në interes të njerëzve dhe vendit.
Parlamentit duhet t’i kthehet dinjiteti dhe besimi i qytetarëv, e që të bëhet kjo, qytetarët duhet të vendosin. Hapni listat 100%! Boll më me lojra për marrëveshje kulisash për t’i mbyllur ato në dëm të demokracisë dhe cilësisë së përfaqësimit!