Ylli Manjani ka reaguar për atë që ka ndodhur me News 24.
“Më vjen keq për gazetarët të cilët detyrohen të bëhen lajm dhe jo të përcjellin lajme.
Padyshim që jam me çdo gazetar, i cili krahas halleve për pagat e vonuara apo sigurimet e papaguara u duhet të mbajnë dhe hallet e pronarëve kur zihen me shtetin. Ndodh shpesh kjo, jo vetëm sot e jo vetëm tek News24.
Por definitivisht nuk ka media të lira e të pavarura kur aktivitetin e tyre e kryejnë në godina shteti.
Media ka sfidë pavarësinë editoriale, d.m.th e zhveshur nga çdo emocion pronësie dhe pronarësh, përfshi këtu edhe emocionet e pronësisë shtetërore.
Media s’mund të jetë viktimë e debateve mbi pronësi godinash. As gazetarët.
Pronarët, në u daltë hesapi, duhet thjesht të investojnë dhe jo të mbrojnë hallet e tyre me lirinë e medias.
Këtë pikëpamje kam patur, kam dhe vështirë ta heq nga mendja”, shkruan ai.