Procesi gjyqësor mbi tentativën për grusht-shteti vazhdoi këtë javë. Në Podgoricë dha dëshmi një serb nga Kosova, i cili ishte i angazhuar për gjetjen dhe blerjecn e armëve për grusht shtetin në Mal të Zi, në natën e zgjedhjeve parlamentare që u mbajtën atje me 16 tetor të vitit 2016. Ai është Mirko Velimiroviq, i cili nënshkroi marrëveshjen me Gjykatën Speciale për pranimin e fajësisë dhe për dëshminë kundër grupit kriminal. Dëshmia e tij shkaktoi reagime dhe incidente në Gjykatë.