Ka shumë arsye pse shumë profesionistë shëndetësorë nuk rekomandojnë një dietë strikte.
Dietat strikte reduktojnë kaloritë nën nevojat e dikujt për energji ose kufizoinë makronutrientët që ha një person, tha Jennifer Rollin, themeluese e Qendrës së Çrregullimeve të Ushqimit në Rockville, Maryland.
Dieta të tilla nuk janë të qëndrueshme, tha Rollin. Ju mund të mos i merrni nevojat tuaja për kalori ose lëndët ushqyese dhe kjo mund të çojë në marrëdhënie jo të shëndetshme me ushqimin.
Nëse dieta juaj përjashton grupe të tëra ushqimore, ka të ngjarë të keni një dietë strikte, tha Natalie Mokari, një dietologe me bazë në Karolinën e Veriut.
Sa shpesh po mendoni për ushqimin?
Një mënyrë për të vlerësuar dietën tuaj është të shikoni se sa jeni duke menduar për ushqimin. Kur janë nën një dietë kufizuese, njerëzit priren të fiksohen për atë që kanë ngrënë, çfarë do të hanë dhe turpin që ndjejnë pasi kanë ngrënë, tha Mokari.
Sa fleksibël jeni?
Një matës tjetër i mirë është fleksibiliteti juaj rreth stilit të të ushqyerit që po ndiqni, tha Rollin.
“Ka një ndryshim midis një preference për të ngrënë kundrejt një sërë rregullash të ngurta që duhen ndjekur,” tha ajo, duke shtuar se ato mandate shpesh vijnë me faj dhe turp.
Mund të kesh pak më shumë?
Me klientët e saj, Mokari pëlqen të përdorë rregullin 80/20 – 80% të kohës ata fokusohen në ngrënien e të gjitha ushqimeve të nevojshme për një dietë të veçantë ose shqetësim shëndetësor, dhe 20% të rasteve ka më shumë tolerancë, tha ajo.
Kjo qasje gjithashtu ndihmon për t’u larguar nga një mentalitet kufizues.