5 persona janë nën akuzë për lidhje me vdekjen e këngëtarit të One Direction, Liam Payne, në Argjentinë. Ylli 31-vjeçar vdiq më 16 tetor pasi u rrëzua nga ballkoni i katit të tretë të një hoteli në Buenos Aires.
Menaxherja e hotelit Gilda Martin dhe punonjësi i hotelit Esteban Grassi, si dhe Roger Nores, i cili thuhet se ishte mik i Payne, janë akuzuar për vrasje nga pakujdesia, citohet të ketë thënë Zyra e Prokurorisë Kombëtare Penale dhe Korrektuese të Argjentinës.
Një gjykatës ka urdhëruar që dy nga pesë të akuzuarit duhet të dërgohen në paraburgim. Autoritetet argjentinase kanë hetuar ditët e fundit të Payne në hotelin CasaSur. Më parë u njoftua në nëntor se tre persona ishin akuzuar për vdekjen e tij, por emrat e tyre nuk u publikuan në atë kohë.
Duke folur për median amerikane të lajmeve TMZ pas vdekjes së Payne, Roger Nores tha se ai ishte një “mik shumë i mirë” i këngëtarit dhe ata kishin kaluar kohë së bashku në ditën kur ylli vdiq.