Titullohet “Pop Art” dhe shënon albumin e parë të Arilena Arës. Këngëtarja njoftoi publikimin e albumit përmes disa postimeve në rrjete sociale. Arilena shfaqet topless para një sfondi rozë, me duart e mbledhur në kraharor. Flokët janë mbledhur me llastikë dhe formojnë një formë të lakuar, ndërsa gjysma e fytyrës është e grimuar me shumë ngjyra.
“Sado që mundohem, nuk kam fjalë mjaftueshëm për të shprehur ndjesinë. E lumtur të ndaj me ju lajmin që albumin tim të parë e ndajnë vetëm pak ditë nga publikimi! Në “POP ART” kam shprehur nëpërmjet muzikës të gjitha ngjyrat që jetojnë brenda meje”,-shkruan këngëtarja.
Nisur nga postimet në Instagram, një pjesë e mirë e fotove janë shkrepur në studio ose gjatë provave. Ky është një album për të cilin ajo punon prej kohësh.
