Liam Payne u varros sot në Britaninë e Madhe. Këngëtari, i cili ndëroi jetë më 16 tetor, la pas një pasuri mbi 65 milionë euro.
Disa vjet më parë, Payne kishte bërë një testament, sipas të cilit, në rast të një vdekjeje të papritur, gjysmën e pasurisë do ta trashëgonte djali i tij shtatëvjeçar, Bear Grey. Kështu, djali do të marrë më shumë se 35 milionë euro, ndërsa gjysmën tjetër të parave nuk dihet se kush do ta trashëgojë.
Payne ka vetëm një fëmijë, të cilin e mirëpriti në vitin 2017 me të dashurën e tij të atëhershme, këngëtaren Cheryl Cole. Çifti u nda një vit më vonë, por mbeti në marrëdhënie të mira.
Gjithashtu, artisti i njohur ka blerë një shtëpi për ish-të dashurën dhe djalin e tij për katër milionë euro dhe është zhvendosur vetë në lagje për t’u afruar me ta.
Liam Payne dhe Cheryl Cole u njohën në “X Factor”, ku ajo ishte anëtare e jurisë dhe ai tregoi talentin e tij muzikor. Në atë kohë ai ishte më pak se 15 vjeç. Ata u takuan sërish në vitin 2016 dhe nisën lidhjen e tyre.