Sonte në Prime, Alaudin Hamiti tha se Elijona nuk është e pranishme për shkak të një problemi shëndetësor. Ky njoftim ngjalli menjëherë shqetësim dhe interes të madh tek shikuesit, të cilët vunë re mungesën e saj në studio.
Hamiti bëri të ditur se gjendja shëndetësore e konkurrentes ka kërkuar kujdes mjekësor të menjëhershëm, ndaj ajo është nisur drejt Spitalit Amerikan për të marrë asistimin e nevojshëm nga stafi profesional. Ai theksoi se vendimi është marrë për sigurinë dhe mirëqenien e Elijonës, duke siguruar publikun se produksioni është në kontakt të vazhdueshëm me ekipin mjekësor.
Produksioni i ”Big Brother Kosova Vip 4” ka garantuar se do të informojë shikuesit për çdo zhvillim të ri lidhur me gjendjen shëndetësore të saj. Mbetet të shihet nëse Elijona do të rikthehet sërish në shtëpinë më të famshme në vend, sapo gjendja e saj të stabilizohet dhe mjekët të japin dritën jeshile.
