Në seancën gjyqësore këtë të hënë, është marrë vendimi përfundimtar ndaj Gjestit. Gjatë seancës, mbrojtja e Gjestit ka kërkuar marrëveshje për pranimin e fajësisë, kërkesë kjo që është aprovuar nga Gjykata. Aktgjykimi u shpall të hënën nga gjykatësja Edita Çanta.
Për veprën penale “Kanosje”, i akuzuari u dënua me 2 vjet burgim me kusht, i cili dënim nuk do të ekzekutohet nëse i pandehuri nuk kryen vepër penale brenda dy viteve pas plotfuqishmërisë së aktgjykimit. Për veprën penale “Asgjësim apo dëmtim i pasurisë”, u dënua me 3 mijë euro gjobë. Ndërsa, për armëmbajtje pa leje, u dënua me 3 mijë euro gjobë. Ndaj Gjestit, Gjykata shpalli dënim unik me 2 vjet burgim me kusht dhe 6 mijë euro gjobë. Në dënimin me gjobë, i llogaritet edhe koha e kaluar në paraburgim.
Kërkesa është kundërshtuar fillimisht nga pala e dëmtuar, por marrëveshja është pranuar nga Gjykata. Para disa muajve ishin publikuar edhe pamjet që tregonin momentin kur këngëtari Besart Kelmendi, i njohur me emrin artistik Gjesti, hyri në ambientet e shtëpisë muzikore Onima, një ngjarje që kishte bërë bujë të madhe në media dhe opinionin publik.
Në seancë ai u vendosi t’i thotë disa fjalë drejtuar mediave. “La ilahe il-Allah, Allahu Ekber. Nuk ka Zot tjetër përveç Allahut. Gjithmonë tu shkëlqy, ylli kurrë nuk zbehet”, thotë Gjesti.