Miley Cyrus dhe Liam Hemsworth kanë finalizuar praktikat e divorcit të paraqitura 5 muaj më parë në gjykatë dhe tani janë zyrtarisht beqar. Cifti i aktorëve u nda në gusht të 2019 pasi popstari u pa në bordin e një yahti me ish bashkëshorten e Brody Jenner, Kaitlyn Carter.
13 muaj nga martesa e tyre, Miley 27 vjeç dhe Liam 30, janë sërish dy njerëz të lirë. Në të vërtetë të dy tashme kanë lidhje të reja dashurie. Këngëtarja e ‘Wrecking Ball’ është fejuar prej disa muajsh me Cody Simpson, artist australian, ndërsa aktori i ‘Hunger Games’ është në një lidhje me modelen Gabriella Brooks.
Burime pranë Miley thonë që këngëtarja është shumë e lumtur me Cody dhe që të dy kanë kaluar një Krishtlindje të mrekullueshme me familjen e tij. Ndërsa për sa i takon Liam, i cili është parë shpesh herë me bukuroshen Gabriella Brooks, gjërat janë ndryshe: “Liamit i mungon shumë Miley.
Ai do ta dojë gjithmonë atë. Cifti është ndarë sepse Liam ka kuptuar që martesa e tyre nuk mund të ishte tradicionale. Ka qenë shumë e vështirë për të, por edhe për Miley martesa e tyre nuk ka funksionuar. Të dy donin të jetonin jetën e tyre në mënyra të ndryshme’, duke ju referuar intervistave të miqve të aktorit dhënë për revistën Hollywood Life.